ഇനി മുതൽ നിങ്ങളുടെ പോക്കറ്റിൽ തന്നെ ഡ്രൈവിംഗ് ലൈസൻസ്, പാൻ കാർഡ് തുടങ്ങിയ എല്ലാ പ്രധാന രേഖകളും സൂക്ഷിക്കാം. അതും വെറും ഒരു ക്ലിക്കിൽ! കേന്ദ്ര സർക്കാരിന്റെ ഡിജിറ്റൽ ഇന്ത്യ പദ്ധതിയുടെ ഭാഗമായി ആരംഭിച്ച ഡിജിലോക്കർ സേവനം ഇനി മുതൽ വാട്സാപ്പിലൂടെ തന്നെ പ്രയോജനപ്പെടുത്താം.
എങ്ങനെയാണ് ഇത് സാധിക്കുന്നത്?
- MyGov Helpdesk-ൽ ചേരുക: നിങ്ങളുടെ വാട്‌സാപ്പിൽ MyGov Helpdesk എന്ന നമ്പർ സേവ് ചെയ്യുക.
- വാട്സാപ്പിലൂടെ ഈ നമ്പർ തുറക്കുവാൻ ഇവിടെ ക്ലിക്ക് ചെയ്യുക. ശരിയായ ചാറ്റ് ചെയ്യാനുള്ള ഓപ്ഷൻ ആണ് തുറന്നത് എന്ന് ഉറപ്പുവരുത്താൻ പച്ച ടിക് മാർക് ഉണ്ടോയെന്നു പരിശോധിക്കുക.
- മെനു തിരഞ്ഞെടുക്കുക: ‘Hi’ എന്ന് ടൈപ്പ് ചെയ്തുകഴിഞ്ഞാൽ നിങ്ങൾക്ക് ‘Cowin Services’ എന്നും ‘Digilocker Services’ എന്നും രണ്ട് ഓപ്ഷനുകൾ ലഭിക്കും. ഡിജിലോക്കർ സേവനങ്ങൾ ആവശ്യമുള്ളവർ രണ്ടാമത്തെ ഓപ്ഷൻ തിരഞ്ഞെടുക്കുക.
- അക്കൗണ്ട് വെരിഫിക്കേഷൻ: നിങ്ങൾക്ക് ഇതിനകം ഡിജിലോക്കർ അക്കൗണ്ട് ഉണ്ടെങ്കിൽ നിങ്ങളുടെ ആധാർ നമ്പർ നൽകി അക്കൗണ്ട് വെരിഫൈ ചെയ്യുക. ഇല്ലെങ്കിൽ പുതിയ അക്കൗണ്ട് സൃഷ്ടിക്കാനുള്ള നിർദ്ദേശങ്ങൾ ലഭിക്കും.
- രേഖകൾ ഡൗൺലോഡ് ചെയ്യുക: നിങ്ങളുടെ അക്കൗണ്ടിൽ ഉള്ള എല്ലാ രേഖകളുടെയും ലിസ്റ്റ് നിങ്ങൾക്ക് ലഭിക്കും. ഏത് രേഖ വേണമെന്ന് തിരഞ്ഞെടുത്ത് അയച്ചാൽ പിഡിഎഫ് ഫോർമാറ്റിൽ രേഖ നിങ്ങൾക്ക് ലഭിക്കും.
പ്രധാന കാര്യങ്ങൾ:
- സുരക്ഷിതം: ഡിജിലോക്കർ ഒരു സുരക്ഷിതമായ സംവിധാനമാണ്. നിങ്ങളുടെ രേഖകൾ എൻക്രിപ്റ്റ് ചെയ്ത് സൂക്ഷിക്കപ്പെടും.
- സൗകര്യപ്രദം: ഇനി മുതൽ നിങ്ങളുടെ എല്ലാ പ്രധാന രേഖകളും നിങ്ങളുടെ സ്മാർട്ട്ഫോണിൽ തന്നെ സൂക്ഷിക്കാം.
- സമയ ലാഭം: ഓഫീസിലേക്ക് ഓടിയാടേണ്ട ആവശ്യമില്ലാതെ എപ്പോൾ വേണമെങ്കിലും രേഖകൾ ലഭ്യമാക്കാം.
ഈ ലേഖനം നിങ്ങൾക്ക് ഉപകാരപ്രദമായി തോന്നിയെങ്കിൽ ഷെയർ ചെയ്യുക.
വാട്സാപ്പിലൂടെ ഈ നമ്പർ തുറക്കുവാൻ ഇവിടെ ക്ലിക്ക് ചെയ്യുക.