സര്ക്കാരിന്റെ നൂറു ദിന കര്മ്മ പരിപാടിയോട് അനുബന്ധിച്ച്‌ എംപ്ലോയ്മെന്റ് വകുപ്പ് വഴുതക്കാട് ഗവ വിമന്സ് കോളേജില് സെപ്റ്റംബര് 7 ന് നിയുക്തി 2024 മെഗാ തൊഴില് മേള സംഘടിപ്പിക്കും.
തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിലെ തൊഴില്ദായകരെയും ഉദ്യോഗാര്ഥികളെയും പങ്കെടുപ്പിച്ചു നടത്തുന്ന തൊഴില് മേളയില് ഐ.ടി ഹോസ്പിറ്റാലിറ്റി, ഓട്ടോമൊബൈല്, പാരാമെഡിക്കല്, മാര്ക്കറ്റിംഗ് തുടങ്ങിയ മേഖലകളിലെ 70 ല് പരം പ്രമുഖ തൊഴില്ദായകര് പങ്കെടുക്കും. 10, +2, ബിരുദം, ഐടിഐ, ഡിപ്ലോമ, ബി ടെക് പാരാമെഡിക്കല്, ട്രാവല് ആന്ഡ് ടൂറിസം യോഗ്യത ഉള്ളവര്ക്ക് അവസരം.
http://www.jobfest.kerala.gov.in വഴി തൊഴില്ദായകര്ക്കു ആഗസ്റ്റ് 10 മുതലും ഉദ്യോഗാര്ഥികള്ക്ക് 16 മുതലും രജിസ്റ്റര് ചെയ്യാം. കൂടുതല് വിവരങ്ങള്ക്ക്: 8921916220, 8304057735, 7012212473.
റെസ്ലിംങ് അസിസ്റ്റന്റിനെ ആവശ്യമുണ്ട്
കായിക യുവജന കാര്യാലയത്തിന്റെ നിയന്ത്രണത്തിലുള്ള തൃശ്ശൂര് സ്പോര്ട്സ് ഡിവിഷനിലെ കുന്നംകുളം സ്കൂളിലേക്ക് ഒരു റെസ്ലിംങ് അസിസ്റ്റന്റ് പരിശീലകനെ ദിവസ വേതനാടിസ്ഥാനത്തില് നിയമനം നടത്തുന്നതിന് അപേക്ഷ ക്ഷണിച്ചു. കോച്ചിങ്ങില് ഡിപ്ലോമ, അംഗീകൃത സ്ഥാപനത്തില് നിന്നുള്ള രണ്ടവര്ഷത്തെ പ്രവൃത്തിപരിചയം എന്നീ യോഗ്യതയും ബന്ധപ്പെട്ട കായികയിനത്തില് മതിയായ പ്രവൃത്തി പരിചയമുള്ളവര്ക്കും അപേക്ഷിക്കാം. പ്രവൃത്തിപരിചയമുള്ളവരുടെ അഭാവത്തില് പ്രവൃത്തിപരിചയമില്ലാത്തവരെയും പരിഗണിക്കും. താല്പര്യമുള്ളവര് അസ്സല് സര്ട്ടിഫിക്കറ്റുകളുമായി ആഗസ്റ്റ് 13ന് രാവിലെ 10 മണിക്ക് കായിക യുവജന കാര്യാലയത്തില് എത്തിചേരണം. അപേക്ഷാ ഫോം വകുപ്പില് നിന്ന് നേരിട്ട് ലഭിക്കും. വിശദവിവരങ്ങള്ക്ക് ഫോണ്: 0471 2326644.