സംസ്ഥാനസര്ക്കാര് സ്ഥാപനമായ നോര്ക്ക ഇന്സ്റ്റിറ്റ്യൂട്ട് ഓഫ് ഫോറിന് ലാംഗ്വേജസിന്റെ (NIFL) കോഴിക്കോട് സെന്ററില് (ഒന്നാം നില, CM മാത്യു സണ്സ് ടവര്, രാം മോഹന് റോഡ്) O.E.T, I.E.L.T.S (OFFLINE/ONLINE) ജര്മ്മന് A1,A2, B1, B2 (OFFLINE) കോഴ്സുകളിലേയ്ക്ക് അപേക്ഷ ക്ഷണിച്ചു.
താല്പര്യമുളളവര്ക്ക് http://www.nifl.norkaroots.org എന്ന വെബ്സൈറ്റ് സന്ദര്ശിച്ച്‌ 2024 ഡിസബര് 16 നകം അപേക്ഷ നല്കാവുന്നതാണെന്ന് നോര്ക്ക റൂട്ട്സ് സി.ഇ.ഒ അജിത് കോളശ്ശേരി അറിയിച്ചു. IELTS & OET (ഓഫ്ലൈന്08 ആഴ്ച) കോഴ്സില് ബി.പി.എല്/എസ്.സി/എസ്.ടി വിഭാഗങ്ങളില് ഉള്പ്പെടുന്നവര്ക്ക് ഫീസ് സൗജന്യമാണ്. മറ്റുളളവര്ക്ക് ജി.എസ്.ടി ഉള്പ്പെടെ 4425 രൂപയാണ് ഫീസ് (ലിസണിംഗ്, റീഡിംഗ്, സ്പീക്കിംഗ്, റൈറ്റിംഗ് എന്നീ നാലു മോഡ്യൂളുകള്). മുന്കാലങ്ങളില് OET/IELTS പരീക്ഷ എഴുതിയവര്ക്കു മാത്രമായിരിക്കും ഓണ്ലൈന് ബാച്ചിലേക്കുള്ള പ്രവേശനം. ഓണ്ലൈന് കോഴ്സുകള്ക്ക് ഫീസിളവ് ബാധകമല്ല.
ഓഫ്ലൈന് കോഴ്സില് 03 ആഴ്ച നീളുന്ന അഡീഷണല് ഗ്രാമര് ക്ലാസിനും അവസരമുണ്ടാകും (ഫീസ് 2000 രൂപ). IELTS ഓണ്ലൈന് എക്സാം ബാച്ചിന് 4425 രൂപയും, റഗുലര് ബാച്ചിന് 7080 രൂപയുമാണ് ഫീസ്. OET (ഓണ്ലൈന്04 ആഴ്ച ) 5900 രൂപയും, ഏതെങ്കിലും ഒരു മോഡ്യൂളിന് 8260 ഉം, ഏതെങ്കിലും രണ്ട് മോഡ്യൂളുകള്ക്ക് 7080 രൂപയുമാണ് ഫീസ് (ജി.എസ്.ടി ഉള്പ്പെടെ). ഫീസ് സംബന്ധിക്കുന്ന വിവരങ്ങള്ക്ക് +918714259444 (കോഴിക്കോട്) എന്ന മൊബൈല് നമ്ബറിലോ നോര്ക്ക ഗ്ലോബല് കോണ്ടാക്‌ട് സെന്ററിന്റെ ടോള് ഫ്രീ നമ്ബറുകളായ 1800 425 3939 (ഇന്ത്യയില് നിന്നും) +918802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്. കോഴ്സ് വിജയകരമായി പൂര്ത്തിയാക്കുന്ന ആരോഗ്യമേഖലയിലെ പ്രൊഫഷണലുകള്ക്ക് നോര്ക്കറൂട്ട്സ് വഴി വിദേശത്ത് ജോലി കണ്ടെത്തുന്നതിനും അവസരമുണ്ടാകും.
Norca Institute of Foreign Language Kozhikode Center invited Application for german oet ielts