ന്യൂ ഡല്‍ഹി ആസ്ഥാനമായുള്ള നോർത്തേണ്‍ റെയില്‍വേയില്‍ അപ്രന്റിസ്ഷിപ്പിന് അപേക്ഷിക്കാം. വിവിധ ട്രേഡുകളിലായി 4096 പേരെയാണ് തിരഞ്ഞെടുക്കുക.
ലഖ്നൗ, അംബാല, മൊറാദാബാദ്, ഡല്‍ഹി, ഫിറോസ്പുർ എന്നീ ക്ലസ്റ്ററുകള്‍ക്കുകീഴിലെ ഡിവിഷനുകളിലും യൂണിറ്റുകളിലും വർക്ഷോപ്പുകളിലുമായിരിക്കും പരിശീലനം.
- ട്രേഡുകള്‍: മെക്കാനിക് ഡീസല്‍, ഇലക്‌ട്രീഷ്യൻ, ഫിറ്റർ, കാർപെന്റർ, ഇലക്‌ട്രോണിക്സ് മെക്കാനിക്, പെയിന്റർ, ട്രിമ്മർ, മെഷീനിസ്റ്റ്, വെല്‍ഡർ, എം.എം.വി., ഫോർജർ ആൻഡ് ഹീറ്റ് ട്രീറ്റർ, വെല്‍ഡർ (ജി ആൻഡ് ജി)/ വെല്‍ഡർ സ്ട്രക്ചറല്‍, ടർണർ, മെറ്റീരിയല്‍ ഹാൻഡ്ലിങ് എക്യുപ്മെന്റ് മെക്കാനിക് കം ഓപ്പറേറ്റർ, റെഫ്രിജറേഷൻ ആൻഡ് എ.സി., വയർമാൻ, ബ്ലാക്സ്മിത്ത്, മേസണ്‍, മെക്കാനിക് മോട്ടോർ വെഹിക്കിള്‍, ഡേറ്റ എൻട്രി ഓപ്പറേറ്റർ, ഹാമർമാൻ, ക്രെയിൻ ഓപ്പറേറ്റർ, സ്റ്റെനോഗ്രാഫർ, ഫിറ്റർ (ഇലക്‌ട്രിക്കല്‍), വെല്‍ഡർ/ ഗ്യാസ് ആൻഡ് ഇലക്‌ട്രിക്, സ്റ്റെനോ (ഇംഗ്ലീഷ്), കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ്, മെക്കാനിക് (മെഷീൻ ടൂള്‍ മെയിന്റനൻസ്), സ്റ്റെനോഗ്രാഫർ (ഹിന്ദി), മെഷീൻ ഓപ്പറേറ്റർ, എം.ഡബ്ല്യു.ഡി., പൈപ് ഫിറ്റർ.
- യോഗ്യത: കുറഞ്ഞത് 50 ശതമാനം മാർക്കോടെ പത്താംക്ലാസ് വിജയം/ തത്തുല്യവും ബന്ധപ്പെട്ട ട്രേഡില്‍ ഐ.ടി.ഐ.യുമാണ് (എൻ.സി.വി.ടി./ എസ്.സി.വി.ടി.) യോഗ്യത. 13.08.2024 അടിസ്ഥാനമാക്കിയാണ് യോഗ്യത കണക്കുക. പരീക്ഷാഫലം കാത്തിരിക്കുന്നവർ അപേക്ഷിക്കാൻ അർഹരല്ല.
- പ്രായം: 16.09.2024-ന് 15-24 വയസ്സ്. ഉയർന്ന പ്രായപരിധിയില്‍ എസ്.സി, എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഭിന്നശേഷിക്കാർക്ക് പത്തുവർഷത്തെയും ഇളവ് ലഭിക്കും. വിമുക്തഭടന്മാർക്കും നിയമാനുസൃത ഇളവുണ്ട്.
- സ്റ്റൈപെൻഡ്: തിരഞ്ഞെടുക്കപ്പെടുന്നവർക്ക് ചട്ടപ്രകാരമുള്ള സ്റ്റൈപെൻഡ് അനുവദിക്കും.
- അപേക്ഷാഫീസ്: വനിതകള്‍ക്കും എസ്.സി., എസ്.ടി. വിഭാഗക്കാർക്കും ഭിന്നശേഷിക്കാർക്കും ഫീസ് ഇല്ല. മറ്റുള്ളവർ 100 രൂപ ഓണ്‍ലൈനായി അടയ്ക്കണം.
പത്താംക്ലാസ്, ഐ.ടി.ഐ. മാർക്കുകളുടെ അടിസ്ഥാനത്തില്‍ മെറിറ്റ് ലിസ്റ്റ് തയ്യാറാക്കിയായിരിക്കും തിരഞ്ഞെടുപ്പ്.
അപേക്ഷ: ഓണ്‍ലൈനായാണ് അപേക്ഷിക്കേണ്ടത്. അപേക്ഷയോടൊപ്പം ബന്ധപ്പെട്ട രേഖകളും ഫോട്ടോ, ഒപ്പ്, വിരലടയാളം എന്നിവയും വിജ്ഞാപനത്തില്‍ നിർദേശിച്ചിരിക്കുന്ന മാതൃകയില്‍ അപ്ലോഡ്ചെയ്യണം. വിശദവിവരങ്ങള്‍ക്ക് http://www.rrc.nr.org എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി: സെപ്റ്റംബർ 16.